CAUAYAN CITY – Dinakip ng mga kasapi ng Reina Mercedes Police Station ang isang backhoe operator sa isinagawang operasyon ng pulisya sa Dangan, Reina Mercedes, Isabela.
Ang pinaghihinalaan ay si Angelito Viernes, 28-anyos at residente ng Victory, Angadanan, Isabela.
Sa naging panayam ng Bombo Radyo Cauayan kay PMaj. Ferdinand Datul, hepe ng Reina Mercedes Police Station, sinabi niya na nakatanggap ng impormasyon ang kanilang himpilan mula sa isang concerned citizen hinggil sa kahina-hinalang indibiduwal sa nasabing lugar.
Sa pagtugon ng pulisya ay nakita nila na may bitbit na caliber 38 revolver na may dalawang bala ang suspek at walang naipakitang dokumento kaya inaresto siya ng mga awtoridad.
Ayon kay PMaj. Datul, bukod sa baril ay nasamsaman din ng hinihinalang shabu si Viernes.
