Nakapagtala ang Pilipinas ng 184 na bagong kaso ng COVID-19, habang ang aktibong tally ay tumaas sa 9,119, ayon sa Department of Health (DOH).
Ang nationwide caseload ay umakyat sa 4,077,625, habang ang bilang ng mga aktibong kaso ay tumaas sa 9,119 mula sa 9,017 cases.
Sa makalipas na dalawang linggo, ang National Capital Region (NCR) ang may pinakamataas na kaso na may 444, sinundan ito ng Davao Region na may 251, Calabarzon na may 208, Soccsksargen na may 155, at Northern Mindanao na may 98.
Dagdag dito, iniulat ng DOH na ang recovery tally ng bansa ay tumaas sa 4,002,313 kung saan hindi bababa sa 66 na bagong pasyente ang gumaling.
Sa kabilang banda, limang bagong nasawi ang naiulat na nagdala ng bilang ng mga nasawi sa kabuuang bilang na 66,193.
Una nang sinabi ng independent research group na OCTA na ang pitong araw na COVID-19 positivity rate sa NCR ay tumaas sa 2.1% noong Marso 8 mula sa 1.8%
