Bagong import ng SMB hind nakaporma sa Rain or Shine 91-85

Ginulat ng Rain or Shine ang San Miguel Beermen 91-85 sa kanilang paghaharap sa PBA Governors’ Cup na ginanap sa Lapu Lapu City, Cebu.

Nagtulong-tulong ang limang manlalaro na nagtala ng double-double figure na pinangunahan ni Javee Mocon na nagtala ng 16 points at 14 rebounds habang mayroong 16 points at 12 rebounds si Richard Ross.

Umabot pa sa 21 points ang naging kalamangan ng Rain or Shine.

Ito rin ang unang laro ng bagong import ng Beermen na si John Holland na pumalit sa na-injured na si Dez Wells.

Dahil sa talo ay nasa pang-limang puwesto ang Beermen na mayroong anim na panalo at apat na talo habang nasa pang-sampung puwesto ang Rain or Shine na mayroong 3-7 win-loss records.