-- Advertisements --
CEBU CITY – May bago at malaking drug group na na-monitor ng Cebu PNP matapos mahuli ang 23-anyos na lalaki sa isang joint buy bust operation kung saan nakuhanan ito ng mahigit sa P1-million halaga ng shabu.
Ang nasabing operasyon ay isinagawa ng Drug Enforcement Unit (DEU) at Carbon PNP sa may Sitio Baracks, Brgy. Ermita, Cebu City.
Kinilala ang naaresto na si Erwin Baron Estrella, isang promodizer at nakatira sa Brgy. Labangon Cebu City.
Ayon kay Lt. Col. Glenn Mayam, hepe ng DEU, isa umanong bigtime distributor si Estralla at “nagdi-dispose” umano ito ng shabu sa buong lalawigan ng Cebu.
