GENERAL SANTOS CITY – Nasa kustodiya na ng bahay kanlungan ang isang sanggol matapos iniwan sa lababo sa labas ng isang lying-in sa Brgy. Dadiangas West, nitong lungsod.
Ala 6 ng gabi nakita ang bagong panganak na sanggol ng nagpangalang “Nonoy” na residente din sa lugar. Kaagad nitong tinawag ang mga staff ng Heaven’s Gift lying- in at kaagad inalagaan.
Ayon sa mga staff na may buhangin pa ang balat ng bata kayat binigyan ng medikasyon.
Kaagad namang na turn over ang sanggol sa mga otoridad at ang pulisya naman ang nagdala sa sanggol sa bahay kanlungan para pangalagaan ang kalusugan nito.
Nagtulungan naman ang mga social worker at pulisya para alamin kung may bagong nanganak sa lugar .
Nalaman na walang nakakita ng iniwan ang sanggol sa lababo sa lying in dahil may nakaranas ng malakas na pag-ulan ang lugar.
