CENTRAL MINDANAO-Pinangunahan ni Datu Montawal Maguindanao Del Sur Mayor Datu Ohto Montawal at Vice-Mayor Datu Vicman Montawal ang pormal ng pagbigay o turnover ng brand new police patrol car sa Datu Montawal Municipal Police Station (MPS).
Masayang tinanggap ang bagong Police patrol car ni Datu Montawal Chief of Police Captain Nurjhasier Sali.
Lubos ang pasasalamat ng PNP Datu Montawal sa agarang pagtugon ng Alkalde sa kanilang mga kahilingan at pangangailangan.
Nangako si Capt Sali na mas papahusayin pa at titiyakin ang Kaligtasan ng mga Residente sa bayan ng Datu Montawal sa pamamagitan nang pagpapatupad ng kanilang tungkulin na mapangalagaan ang seguridad sa bayan.
Gayundin, sinamantala rin ni Sali ang pagkakataon na kilalanin ang pagsisikap at patuloy na suporta ng LGU-Datu Montawal sa pagsasakatuparan ng makabuluhang donasyon na ito na hindi maikakaila na lubhang kapaki-pakinabang sa pang-araw-araw na operasyon ng pagpapatupad ng batas.
Labis na nakakataas ng Moral ang makita ang buong suporta ng Lokal na pamahalaan sa usapin ng Peace and Order.
