-- Advertisements --
DAVAO CITY – Natagpuan ng isang magsasaka ang isang bagong silang na lalaki matapos itong iwan sa isang sakahan sa may Purok 7, Lacson, Calinan Davao City.
Ayon sa ulat, napag-alaman ni Elmer Cawayan, 61 taong gulang, caretaker ng isang sakahan, na nakita niya ang bata na nakatakip ng itim na tela o pranela na pinaniniwalaang ipinanganak lamang sa araw na ito.
Sa halip, agad itong dinala sa pinakamalapit na ospital para mabigyan ng atensyong medikal.
Sa ngayon, pinaghahanap pa ng mga otoridad ang ina ng bata, gayundin ang taong nag-iwan nito.
Nanawagan naman ang otoridad sa mga nakakita sa nag-iwan sa bata na agad itong i-report sa pinakamalapit na police station.
