Nanawagan na rin ngayon ang mga theatre professionals kasama na ang mga stage actors na tulungan din ang kanilang industriya sa pamamagitan ng bailout o tulong pinansiyal bago mag-collapse.
Ang apela ng mga theatre actors ay kasunod nang naging pahayag ng sikat na theatre producer na si Sir Cameron Mackintosh na nagsabi na ang pamosong West End at Broadway theatres ay baka sa susunod na taon pa muling mabuhay.
Malaking problema raw kasi sa mga stage musicals na imposibleng masunod ang social distancing.
Sa ngayon maraming mga theatre sa maraming bansa ang pansamantala munang nagsara bilang sagot sa mga hakbang laban sa pagkalat ng coronavirus pandemic.
Kung maalala kasama sa mga theatre actress na sumikat ng husto sa West End at Broadway si Lea Salonga.
Si Lea ay ilang beses na ring nagsagawa ng online concert bilang bahagi ng fund raising para sa mga frontliners.
Dito sa Pilipinas ang Cultural Center of the Philippines (CCP) ay meron ding tinatawag na realignment ng kanilang mga programa ngayong taon para sa mga nagmamahal sa ating kultura at panitikan.
