-- Advertisements --
CENTRAL MINDANAO – Binawian ng buhay ang isang bakla sa pamamaril sa probinsya ng Cotabato.
Nakilala ang biktima na si Eric Sarte Sandaga, residente ng Barangay Bagumba, Midsayap, Cotabato.
Ayon sa ulat ng pulisya, lulan ang biktima sa kanyang motorsiklo sa hangganan ng Barangay Baliki, Midsayap at Brgy Dungguan, Aleosan, Cotabato nang ito ay dikitan ng riding in tandem suspects at pinagbabaril gamit ang kalibre .45 na pistola.
Agad namang tumakas ang mga suspek patungo sa liblib na lugar sa bayan ng Aleosan.
Patay on the spot ang biktima nang magtamo ng tama ng bala sa ulo at likod.
Sa ngayon ay nagpapatuloy ang imbestigasyon ng mga otoridad sa pagpatay sa biktima.
