-- Advertisements --
BAGUIO CITY – Hanggang ngayon ay hindi pa rin nakikilala ang natagpuang bangkay ng lalaki sa Mayos River sa Gadgada, Poblacion, Kibungan, Benguet.
Ayon sa Kibungan Municipal Police Station, ang bangkay ay tinatayanag 40 hanggang 50 anyos, nakasuot ng itim na sweatshirt, shortpant na may stripe na yellow at mayroon itong sa tattoo sa kaliwang kamay.
Kaugnay nito ay nagpapanawagan ang pulisya para sa sinumang nawawalan ng kamag-anak na magtungo lamang ang mga ito sa kanilang himpilan para sa mga detalye at upang matuklasan kung ito ay may kaugnayan sa natagpuang bangkay.
Nakakuha na ang Scene of the Crime Operative (SOCO) ng tissue mula sa bangkay para sa DNA sample nito.
