ILOILO CITY – Arestado ang punong barangay ng Lip-ac, San Enrique, Iloilo sa isinagawang drug buy bust operation.
Ang arestado ay si Punong Barangay Elvie Paez, 47.
Nakuha sa posisyon ni Paez ang 11 sachet ng suspected shabu at dalawang improvised short firearms.
Sa panayam ng Bombo Radyo Iloilo kay Police Captain Johnny Oro, hepe ng San Enrique Municipal Police Station, sinabi nito na marami silang natanggap na reklamo na gumagamit at nagbebenta ng iligal na droga ang nasabing opisyal.
Ayon kay Oro, inamin rin ng opisyal ang lahat ng paratang sa kanya.
Patuloy rin na iniimbestigahan kung sino ang malaking supplier ni Paez.
Sa ngayon, nakakulong na si Paez sa San Enrique Municipal Police Station at nahaharap sa kasong paglabag sa Republic Act 9165 o Comprehensive Dangerous Drugs Act of 2002.
