Barangay Captain sa Iloilo, huli sa drug buy bust operation sa loob mismo ng barangay hall
ILOILO CITY – Arestado ang isang Barangay Captain sa drug buy-bust operation sa Zarraga, Iloilo.
Ito ay si Punong Barangay Bernard Galache ng Barangay Inagdangan Centro, Zarraga, Iloilo.
Sa panayam ng Bombo Radyo Iloilo kay Police Captain Raphy Señeres, hepe ng Zarraga Municipal Police Station, sinabi nito na nahuli si Galache sa loob mismo ng barangay hall.
Ayon kay Señeres, nabilhan si Galache ng isang sachet ng suspected shabu.
Maliban dito, nakuha rin sa kanyang posisyon ang dagdag pa na 10 sachet ng suspected shabu.
Anya, tatlong linggo nila na minamanmanan ang opisyal hanggang sa naisagawa ang buy bust operation.
Nahaharap naman ito sa kasong paglabag sa Republic Act 9165 o Comprehensive Dangerous Drugs Act of 2002.
