CENTRAL MINDANAO-Patay on the spot ang isang opisyal ng Barangay sa pamamaril sa lalawigan ng Maguindanao Del Sur.
Nakilala ang biktima na si Norson Utto,Barangay Kapitan ng Barangay Dansalan Rajah Buayan Maguindanao Del Sur.
Ayon kay Sultan Sabarongis Chief of Police Major Michael Ameril na habang abala si Utto sa paglilinis ng kanyang motorsiklo sa bahagi ng Crossing Badal Sultan Sabarongis Maguindanao Del Sur ay bigla itong pinagbabaril ng mga hindi kilalang suspek gamit ang kalibre.45 na pistola.
Agad namang tumakas ang mga salarin patungo sa direksyon ng bayan ng Mamasapano sakay ng motorsiklo.
Agad binawian ng buhay ang biktima nang magtamo ng maraming tama ng bala sa ibat-ibang parte ng kanyang katawan.
Sa ngaykon ay nagpapatuloy ang imbestigasyon ng Sultan Sabarongis PNP sa pamamaril patay sa biktima.
