CENTRAL MINDANAO – Patay on the spot ang dalawang katao sa pamamaril sa lalawigan ng Maguindanao
Nakilala ang mga nasawi na sina Barangay Kagawad Mansor Andil at Aliakbar Abdullatip,mga residente ng Barangay Pandag sa bayan ng Pandag, Maguindanao.
Ayon kay Maguindanao Police Provincial director Colonel Jibin Bongcayao na sakay ng motorsiklo ang mga biktima sa bahagi ng Barangay Makir Datu Odin Sinsuat Maguindanao ng biglang dikitan sila ng riding in tandem suspects at pinagbabaril gamit ang kalibre .45 na pistola.
Agad namang tumakas ang mga suspek patungo sa direksyon ng Cotabato City.
Nagtamo ng maraming tama ng bala ang mga biktima kaya agad itong binawian ng buhay.
Sa ngayon ay nagpapatuloy ang imbestigasyon ng Datu Odin Sinsuat PNP sa pamumuno ni Lieutenant Colonel Rommel Dela Vega sa pamamaril patay sa mga biktima.
