Nanganganib ngayon na malaglag sa kanyang puwesto si world No. 1 Ashleigh Barty matapos itong payukuin ng Amerikanong si Sofia Kennin sa second-round ng Rogers Cup.
Hindi umubra ang lakas ni Barty kay Kennin, 6-7 (5-7) 6-3 6-4 sa loob ng isang isang oras at 56 minuto nilang bakbakan.
Inaasahan namang papalitan si Barty ni world No. 2 Naomi Osaka makaraang magwagi naman ito sa kanyang match nitong Miyerkules.
Binuksan ng 21-year-old Japanese ang kanyang kampanya sa torneyo kontra kay Tatjana Maria ng Germany.
Samantala, nabigo rin sina No. 7 seed Sloane Stephens at Venus Williams.
Pinahiya si Stephens ni Marie Bouzkova ng Czech Republic, 6-2, 7-5; habang ang seven-time Grand Slam champion na si Williams naman ay talo 6-4, 6-2 kay Carla Suarez Navarro ng Spain.
Umabante rin sa second round sina Donna Vekic, Alison Riske, Katerina Siniakova, Zhang Shuai, Iga Swiatek at Ekaterina Alexandrova.
