-- Advertisements --
BUTUAN CITY – Patuloy pang pinaghahanap ng mga otoridad ang ina o kaya’y mga magulang ng isang bata na natagpuang wala ng buhay nang mapadpad sa dalampasigan ng Kapigtaan sa Purok 10, Sitio San Juan, Brgy. Abilan, Buenavista Agusan del Norte.
Hanggang sa pagpapatulo na lamang ng luha ang nagawa ng mga nakakakita sa bata dahil isinilid ito sa kulay itim na bag at itinapon sa dagat.
Tinatayang isang araw pa itong patay dahil hindi pa na-decompose ang kanyang katawan.
Patuloy na ang ginagawang imbestigasyon ng mga otoridad sa insidente.
