Bawas-singil sa kuryente, ipatutupad ng Meralco ngayong Disyembre

Ipatutupad ang bawas-singil sa kuryente ngayong buwan ng Disyembre ayon sa Meralco.

Tinatayang halos P0.80 sentimo kada kilowatt hour (kWh).

Batay sa anunsyo ng Meralco, aabot ng 79.61 sentimo kada kWh ang ibababa ng kanilang singil sa kuryente ngayong buwan.

Ayon kay Joe Zaldarriagan tagapagsalita ng Meralco, ang bawas-singil ay bunsod nang pagbaba ng kanilang generation charges.

Aniya, ito ay katumbas ng P159 na tipid para sa mga kumukunsumo ng average na 200 kwh at P398 para sa mga kumukonsumo naman ng 500 kWh kada buwan.