-- Advertisements --
BAGUIO CITY – Arestado ang isang beautician na dating drug surrenderee sa isinagawang buy bust operation sa loob ng isang inn sa Kagitingan, Baguio City.
Nakilala ito na si Armando Padua Estela Jr., alyas Trixie, 40, residente ng Sanitary Camp, Baguio City.
Nakumpiska mula sa kanya ang tatlong pakete ng pinaniniwalaang shabu na may bigat na aabot sa 3 gramo at cellphone na nagamit sa transaksiyon.
Narekober pa mula kay Trixie ang boodle money na ginamit ng mga otoridad sa transaksion.
Isinailalim ito sa drug test at naisampa na rin ang kaso laban dito dahil sa paglabag sa RA 9165 o ng Comprehensive Dangerous Drugs Act of 2002.
