-- Advertisements --
Naitabla ng San Miguel Beermen sa 1-1 ang best of seven PBA Philippine Cup Finals nila ng Meralco Bols.
Naging madrama ang panalo ng Beermen 95-94 para makuha ang panalo sa Game 2 sa laro na ginanap sa Araneta Coliseum.
Hawak pa ng Bolts ang 2 points na kalamangan hanggang maipasok ni Marcio Lassiter ang kaniyang 3-points para tuluyang maipanalo ang laro.
Nabigong maipasok ni Chris Banchero ng Bolts ang kanilang sumunod na ball possession at tuluyan ng naipanalo ng Beermen ang laro.
Nanguna sa panalo ng Beermen si CJ Perez na nagtala ng 34 points, habang mayroong 17 points si June Mar Fajardo at 12 points si Don Trollano.
