Belga hindi nagtatanim ng sama ng loob matapos matanggal sa listahan ng Gilas Pilipinas

Walang hinanakit si Rain or Shine center Beau Belga sa Gilas Pilipinas matapos na hindi ito mapasama sa final 12 na maglalaro sa FIBA World Cup.

Sinabi ni Belga na hindi kailanman sumama ang loob nito matapos na hindi mapasama sa listahan.

Masaya rin aniya ito dahil kasama ito sa pinagpilian mula noong unang ensayo pa lamang ng national team.

Magugunitang noong 2014 ay kasama ito sa FIBA World Cup at noong 2013 FIBA Asia Championship ay hindi kasama rin sa listahan.

Kahit ganun aniya ay buong suporta pa rin ang ipapakita sa national team.