Itinalaga bilang bagong director ng PNP Directorate for Logistics (DL) si PNP spokesperson B/Gen. Ronaldo Olay kapalit ni M/Gen. Angelito Casimiro na magreretiro na sa serbisyo sa darating na October 2, 2021.
Dahilan nito para muling magpatupad ng balasahan ang pamunuan ng pambansang pulisya.
Effective October 1, 2021 ang nasabing special orders na pirmado ni PNP chief Gen. Guillermo Eleazar.
Ayon kay Olay sa darating na Biyernes October 1, 2021 nakatakda ang turn-over ceremony.
Si Olay ay miyembro ng Philippine Military Academy Class of 1990, habang si Gen Casimiro ay miyembro ng PMA Class of 1988.
Habang sa susunod na linggo naman ang turn-over ceremony sa Public Information Office (PIO).
Ang papalit sa pwesto ni Olay bilang bagong tagapagsalita ng PNP ay si Col. Roderick Augustus Alba mula sa PNP Information Technology and Management Service (ITMS).
Si Alba ay produkto ng Philippine National Police Academy (PNPA) Tagapagpatupad Class of 1992.
