Nagtalaga ang Bureau of Immigration ng 87 na karagdagang opisyal upang palakasin ang kanilang workforce at tiyakin ang maayos at mahusay na pagpapatupad ng mga proseso ng pagpasok at paglabas ng mga biyahero sa maraming paliparan at daungan sa bansa.
Malugod na tinanggap ni Immigration Commissioner Norman Tansingco ang mga karagdagang tauhan sa isang seremonya na ginanap sa Government Service Insurance System Theater sa Pasay City.
Nakumpleto ng 87 ahente ang Border Control Officers Module I sa BI’s academy sa Clark, Pampanga.
Sa kaganapan, itinampok ni Tansingco ang mahigpit na pagsasanay na pinagdadaanan ng mga opisyal ng imigrasyon bago ang deployment habang hinikayat niya ang mga nagtapos na gawin ang kanilang mga trabaho tama.
Aniya , ang mga bagong opisyal ng imigrasyon ay sinanay na maglingkod ayon sa mga pangunahing halaga ng pagiging makabayan, integridad, at propesyonalismo.
Naniniwala ang opisyal na ang mga bagong batch ay mananatiling tapat sa kanilang mga tungkulin bilang tagapagtanggol ng mga borders ng bansa.
Pinaalalahanan din niya ang mga bagong opisyal na tiyakin ang tamang pag-uugali sa mga frontline at binalaan sila na hindi niya kukunsintihin ang anumang ulat ng hindi naaangkop o hindi propesyonal na pag-uugali.
Kamakailan ay nasangkot sa panibagong kontrobersiya ang BI matapos ipag-utos si Justice Secretary Jesus Crispin Remulla ng imbestigasyon sa pagkakasangkot ng mga immigration lawyer sa pag-iisyu ng 9G visa sa mga dayuhan ng mga gawa-gawang kumpanya.
