Ibinahagi ng BI Chief na noong 2023, inilipat ng BI ang marami sa mga operasyon nito sa mga malls at iba pang lugar na mas accessible sa publiko.
Ang mga opisina ng BI sa Cebu, Surigao, Las Pinas, Olongapo, at Nueva Ecija ay lumipat sa mas malalaking lokasyon, habang ang kanilang Camiguin Field Office ay nagsimula ng operasyon nito sa Provincial Capitol Building sa Pandan Mambajao.
Ang physical annual report ng BI sa Metro Manila ay inilipat na rin mula sahead office ng BI sa 3rd Level Center Atrium ng kilalang mall at sa Government Service Express (GSE) Unit ng isa pang kilalang mall mula Lunes hanggang Biyernes, hindi kasama ang mga holiday at sa pagitan ng 9 a.m. at 6 p.m.
Sinabi ni Tansingco na tinitingnan nila ang mga bagong opisina sa Siargao, Pagadian, Sorsogon, Davao del Sur, at iba pang sikat na tourist destinations gayundin ang paglipat ng mas maraming opisina sa mas magandang lokasyon.
Bukod sa pagbubukas ng mga bagong tanggapan, ibinahagi ng BI na marami sa mga serbisyo nito, kabilang ang mga extension ng visa ay magagamit na online.
