-- Advertisements --
Pinasalamatan ni US President Joe Biden ang Israeli at Egyptian President Abdel Fattah Al-Sisi dahil sa desisyon nilang matigil na ang kaguluhan.
Sinabi ni Biden na sa 11 araw na pagpapalitan ng rockets ng Israel at mga Hamas militants sa Gaza Strip ay anim na beses nitong tinawagan si Israeli Prime Minister Benjamin Netanyahu kung saan pinuri nito ang desisyon niya sa pagpayag na matigil na ang kaguluhan.
Muling inulit ng US president na suportado niya ang ginagawa ng Israel na pagdepensa sa sarili laban sa mga rocket attacks ng mga Hamas.
Tiniyak din ni Biden na tutulungan niya ang Israel para maayos ang kanilang Iron Dome na siyang ginamit para maharang ang rockets ng mga Hamas.
