-- Advertisements --
Inanunsyo ng Department of Energy (DOE) na sa susunod na linggo ay magkakaroon naman ng big time oil price rollback.
Ayon kay Director Rino Abad ng Oil Industry Management Bureau ng DOE, hindi pa nila masabi sa ngayon kung magkano ang ibabawas sa presyo ng mga produktong petrolyo sa susunod na linggo.
Pero sinabi ni Energy Secretary Alfonso Cusi na ang presyo ng gasolina ay maaaring mabawasan ng nasa P5 kada litro, habang ang diesel naman ay P12 ang posibleng mabawas.
Kamakailan lang, nagpatupad ang mga kompanya ng langis ng P13.15 at P7.10 increase sa presyo ng kada litro ng gasolina at diesel.
