-- Advertisements --
KALIBO, Aklan – Matapos pagkaguluhan ang cyclops puppy, usap-usapan naman ngayon sa lalawigan ng Aklan ang isang biik na ipinanganak na may anim na paa.
Ayon kay Marynel Ventura ng Barangay Badiangan, Banga, Aklan na nagulat sila nang ipanganak ng kanilang alagang baboy ang kakaibang biik nito.
Pinapaniwalaang kambal sana ang biik na kulay puti at umasa ang may-ari na mabubuhay ito ngunit kinalaunan ay namatay din agad.
Samantala, ipinaliwanag ng Office of the Provincial Veterinarian (OPVET) na maituturing na isang genetic defects ang nangyari sa biik.
Nangyayari umano ito kung minsan lalo na sa mga isinasagawang artificial insemination.
