Tumaas sa mahigit 200,000 ang bilang ng mga indibidwal na apektado ng magnitude 7 na lindol na yumanig sa Northern Luzon ayon sa pinakahuling ulat ng sitwasyon ng National Disaster Risk Reduction and Management Council (NDRRMC).
As of July 30, iniulat ng NDRRMC na ang bilang ng mga apektadong tao mula sa kamakailang pagyanig ay umabot sa 228,238 mula sa 76,260 na naiulat noong umaga ng Hulyo 29.
Tumaas din ang bilang ng mga apektadong pamilya sa 62,024 mula sa 19,486 noong nakaraang araw.
Nasa 1,910 pamilya o 6,176 katao ang nawalan ng bahay na nasa loob ng 46 na evacuation centers.
Ang mga lumikas na wala sa mga evacuation center ay may kabuuang 27,207 katao o 6,490 pamilya.
Iniulat ng NDRRMC na anim pa rin ang bilang ng mga nasawi habang apat ang nawawala.
Gayunpaman, iniulat noong Biyernes na ang mga bangkay ng apat na naiulat na nawawala sa Abra ay natagpuan, kaya ang kabuuang naiulat na mga nasawi ay nasa 10.
Nilinaw naman ng tagapagsalita ng NDRRMC sa Bombo Radyo na si Mark Timbal na “hinihintay pa ng ahensya ang opisyal na ulat mula sa Regional Disaster Risk Reduction and Management Council-CAR tungkol sa tungkol sa 4 na retrieved cadavers.”
