CENTRAL MINDANAO-Dead on the spot ang isang binata sa pamamaril sa lalawigan ng Maguindanao.
Nakilala ang biktima na si Mamanaot Guial Kapal,24 anyos at residente ng Barangay Pagagawan Datu Montawal Maguindanao.
Ayon kay Maguindanao Police Provincial Director Colonel Donald Madamba na lulan ang biktima sa kanyang motorsiklo galing sa kanyang mga kamang anak sa Barangay Bulit papauwi na sa kanyang tahanan.
Pagsapit ng binata sa tulay ng Brgy Pagagawan ay bigla siyang dinikitan ng riding in tandem suspects at pinagbabaril gamit ang kalibre.45 na pistola.
Mabilis namang tumakas ang mga suspek patungo sa liblib na lugar sa bayan ng Datu Montawal.
Tinamaan ang biktima ng bala sa kanyang ulo at likod kaya agad itong binawian ng buhay.
Personal na alitan o rido ang natatanaw ng mga otoridad na motibo sa pamamaril patay sa biktima na patuloy nilang iniimbestigahan.
