ILOILO CITY – Patay na nang madatnan ng kanyang ina ang isang binata matapos magbigti sa Brgy. Agusipan. Badiangan, Iloilo.
Ang biktima ay kinilalang si alyas Dave, 22, residente ng nasabing lugar.
Sa panayam ng Bombo Radyo Iloilo kay Myrna, ina ng biktima, sinabi nito natagpuan na lamang niya ang kanyang anak na nakatali ang leeg habang nakabitin sa haligi sa kanilang lumang bahay.
Ayon kay Myrna, hindi niya nakitaan ng problema ang kanyang anak upang magpakamatay ito.
Ngunit ayon sa ina, maaaring naapektuhan ang biktima matapos na binawi ang kanyang motorsiklo dahil sa ilang buwan na itong hindi nababayaran.
Napag-alaman na bago nangyari ang insidente, nag-post pa ang biktima sa social media na isasabay niya ang kanyang buhay sa pagkawala ng kanyang motorsiklo.
