LAOAG CITY – Hindi naging hadlang ang pagiging Person with Disability ni Mr. Marvin Longboy na nakapasa sa October 2023 Forester Licensure Examination.
Ayon kay Longboy, hindi pa rin makapaniwala na naipasa niya ang eksaminasyon lalo’t isa sa mga naging hamon sa kanya ay ang pagrereview.
Ito ay dahil hindi niya masyadong makita o mabasa ang mga lessons lalo na sa gabi ngunit hindi siya sumuko at nawalan ng pag-asa sa tulong na rin ng kanyang pamilya at mga naniniwala sa kanya.
Ganunpaman, hindi pa rin aniya siya tumigil sa pagrereview at ginawa ang lahat para maisaulo ang kanyang mga binabasa.
Sinabi pa nito na noong nag-aaral pay ay tinutulungan siya ng kanyang mga professor at hatid-sundo siya ng kanyang pamilya.
Nabatid na noong bata pa ay gusto niyang maging Agriculturist ngunit nag-iba ito noong napunta siya sa Forestry.
Samantala, pinayuhan ni Mr. Longboy ang mga katulad niya na may kapansanan na huwag mawalan ng pag-asa at magpursige lamang para sa inaasam na tagumpay.
