-- Advertisements --
ZAMBOANGA CITY – Binaril, patay ang bodyguard ng isang mayor ng Talipao, Sulu sa siyudad ng Zamboanga sa may San Ignacio Subdivision, Pantano, Barangay San Roque.
Sa nakalap na impormasyon ng Star FM Zamboanga, nakilala ang biktima na si Benjie Jilhano Y Wajihin, 43, residente ng nasabing lugar.
Ayon sa imbestigasyon nagtamo ng dalawang tama ng bala sa ulo at isa sa kaliwang balikat ang biktima na naging dahilan ng agarang pagkamatay.
Narekober naman sa crime scene ang tatlong empty shells ng 9mm pistol.
Sa ngayon ay iligal na droga ang tinitingnang anggulo ng kapulisan sa mga posibleng motibo sa likod ng pagpaslang.
