-- Advertisements --
Sasailalim umano sa wrist surgery si Utah Jazz forward Bojan Bogdanovic bukas, araw ng Miyerkules (oras sa Pilipinas.)
Batay sa sources, aayusin sa operasyon ang scapholunate ligament sa kanyang kanang pulso.
Natamo ni Bogdanovic ang injury noong huling bahagi ng 2019.
Sinasabing mabibigyan ng tsansa si Bogdanovic na makarekober nang tuluyan bago pa man ang umpisa ng 2020-21 season.
Bagama’t sinunspinde ang mga laro sa NBA noong Marso dahil sa coronavirus pandemic, positibo pa rin ang liga na magbabalik muli ang 2019-20 season at makapaglunsad ng playoff tournament para madetermina ang kampeon.
Sa ngayon, nasa fourth seed ang Jazz sa Western Conference.
