Hindi pinaporma ng Meralco Bolts ang Rain or Shine 121-111 sa nagpapatuloy na PBA Season 49 Commissioner’s Cup.
Itinuturing na ang laro ay all-Filipino dahil sa parehas ang koponan na walang import.
Ang import kasi ng Elasto Painters na si Deon Thompson ay hindi naaayos ang special work permit habang sa simula pa lamang ng laro ay nagtamo ng injury sa mukha si Akil Mitchell ang import ng Bolts.
Bumida sa panalo ng Bolts si Chris Newsome na nagtala ng 25 points habang mayroong 20 points si Bong Quinto, 16 points naman ang naitala ni Jansen Rios, 12 points at 16 rebounds naman ang naitala ni Raymond Almazan at mayroong 11 points at 11 rebounds si Chris Hodge.
Mayroon ng dalawang panalo at wala pang talo ang Bolts habang ang Painters ay wala pang panalo at may isang talo na sa pagsisimula pa lamang ng conference.
