-- Advertisements --
Nalusutan ng Meralco Bolts ang Converge FiberXers 91-89 sa pagsisimula ng PBA Philippine Cup.
Naging susi sa panalo ng Bolts si Chris Newsome mataposna maipasok ang clutch jumper sa natitirang 0.8 segundo ng laro para matanggal ang 89-89 na puntos.
Umabot pa sa 20 points ang naging kalamangan ng Converge hanggang ito ay mahabol ng Bolts.
Mayroong kabuuang 15 points, anim na rebounds at apat na assists si Newsome habang si Bong Quinto ay mayroong 14 points at anim na rebounds at 13 points, 12 rebounds at dalawang blocks ang naitala naman ni Raymond Almazan para sa Bolts.
Hindi naman umubra ang 23 points, anim na rebounds ni Justin Arana at 17 points ni Alec Stocton para sa Converge.
