Bolts tinambakan ang TNT 114-94 para maitabla sa 1-1 ang PBA semis

Naitabla ng Meralco Bolts sa 1-1 ang best of five semifinals nila ng TNT KaTropa sa PBA Governos’ Cup 114-94.

Bumandera ang nagawang 44 points, 19 rebounds at 11 assists ni Allen Durham ng Bolts para makabawi sa pagkakatalo nila noong game 1.

Nag-ambag naman ng 20 points, 3 assists at 2 rebounds si Baser Amer.

Mula sa unang quarter ay umarangkada na ang Bolts kung saan umabot pa sa 35 points ang kalamangan nila sa second quarter.

Nasayang naman ang nagawang 51 points ni KJ McDaniels at 12 points ni Ray Parks.