-- Advertisements --
Nakalabas na sa pagamutan si boxing legend Oscar De la Hoya matapos na magpositibo ito sa COVID-19.
Sa kaniyang social media account, nag-post ito ng video sa kaniyang pinagdaanan.
Sinabi nito na tatlong araw siyang nanatili sa pagamutan matapos na tamaan siya ng nasabing virus.
Nasa magandang kalusugan na raw ito at hindi na siya makapaghintay na makabalik muli sa boxing ring.
Magugunitang hindi na natuloy ang laban nito kay UFC fighter Vitor Belfort sa Setyembre 11 matapos na madapuan siya ng virus.
Papalit na lamang sa kaniya para labanan si Belfort ay si dating boxing champion Evander Holyfield.
