CENTRAL MINDANAO – Nakaligtas ang isang opisyal ng Barangay habang sugatan ang kanyang kasama sa pananambang sa probinsya ng Maguindanao.
Nakilala ang nasugatan na si Bayan Salik Brgy Consultant ng Brgy Sambolawan Datu Salibo Maguindanao.
Nakaligtas naman si Brgy Kapitan at ABC President ng Datu Salibo na si Abdulwariz Zailon.
Ayon kay Maguindanao Police Provincial Director Colonel Arnold Santiago na habang sakay ang mga biktima sa isang Tamaraw Fx sa Brgy Dapiawan Datu Saudi Ampatuan Maguindanao ay bigla itong pinagbabaril ng mga hindi kilalang suspek.
Mabilis namang tumakas ang mga salarin habang agad dinala ang sugatang brgy consultant sa Maguindanao Provincial Hospital.
Sa ngayon ay nagpapapatuloy ang imbestigasyon ng Datu Saudi Ampatuan PNP sa pamamaril sa mga biktima.
