-- Advertisements --
LA UNION – Dead on arrival sa La Union Medical Center isang punong barangay matapos itong barilin ng hindi pa kilalang suspek sa Brgy. Pangao-aoan West, bayan ng Aringay, La Union.
Nakilala ang biktima na si Punong Barangay Lourdes Parotina, 66, may asawa at residente ng nabanggit na lugar.
Sa isinagawang imbestigasyon ng Aringay Police, nanunuod umano ng telebisyon ang bikitma ng binaril ng hindi pa kilalang suspek na nakasuot ng bonete.
Hindi pa umano mabatid ang motibo sa nangyaring pamamaslang.
Samantala, nagsasagawa na ng drugnet operation ang ilang kapulisan upang matukoy ang pagkakakilanlan ng suspek.
