-- Advertisements --
NAGA CITY – Arestado ang barangay kapitan kasama ang ilang indibidwal sa isinagawang anti-illegal cockfighting operation ng mga otoridad sa Brgy. Labawon, Buhi, Camarines Sur.
Sa nakalap na impormasyon ng Bombo Radyo Naga sa Camarines Sur Police Provincial Office (CSPPO), kinilala ang mga suspect na sina Anthony Camasis, 44-anyos, barangay kapitan ng nasabing lugar, James Vincent Saculo, Tiburcio Manaog at Alfredo Sta. Ana.
Base sa imbestigasyon ng mga otoridad huli sa aktong nagsasabong an nasabing mga suspect.
Narekober dito ang dalawang wala ng buhay na pangsabong na manok at P300 na bet money.
Sa ngayon nasa kustodiya na ng mga otoridad ang nasabing mga suspect para sa karampatang disposisyon.
