Brgy. kapitan sa Leyte, patay sa shooting incident

TACLOBAN CITY – Patuloy ang imbestigasyon ng kapulisan kaugnay sa pagbaril sa isang Barangay Kapitan sa Sitio Lawis, Barangay Palhi, Baybay City, Leyte

Una rito, kinilala ang biktima na si Noel Alvarado Oranio, 48-anyos na residente ng Barangay Onion sa Mahaplag.

Ayon kay P/Maj. Margarito Salaño, lulan ng kaniyang ISUZU Dmax ang biktima nang bigla itong barilin ng dalawang kalalakihan na nakasuot ng mask

Nagtamo ng tama ng bala sa iba’t-ibang bahagi ng katawan ang biktima na naging resulta sa kaniyang agarang pagkamatay.

Inaalam pa ng mga otoridad ang motibo sa krimen.