Magdaraos ng coronation picnic ang British Embassy sa Manila para markahan ang koronasyon nina King Charles III at Queen Consort Camilla sa may Quezon memorial Center (QMC) sa Quezon city bukas, Mayo 6 sa oras na alas-4 ng hapon.
Libre at bukas sa publiko ang naturang event sa QC kung saan mapapanood ang livestream ng makasaysayang koronasyon nina King Charles III at Queen Camilla mula mismo sa Westminster Abbey
Magkakaroon din ng live performances at iba pang mga aktibidad gaya ng sports tungkol sa Royal family.
Maghahanda din ng British food, ilang British culture at mayroon ding music para sa pagdiriwang ng seremoniya.
Ayon kay british Ambassador to the Philippines Laure Beaufils, magiging solemn occasion para sa marami ang koronasyon ng bagong Hari at Reyna ng Britanya subalit ito rin ay isang pagkakataon para sa selebrasyon at pageantry.
Sinabi din nito na isang mahalagang event ito para sa embahada para maibahagi sa Filipino community.
