LAOAG CITY – Isa nang malamig na bangkay nang matagpuan ang isang British national sa loob ng banyo ng tinutuluyan nilang hotel sa Poblacion 1 sa bayan ng Adams dito sa lalawigan ng Ilocos Norte.
Nakilala ang biktima na si Gordon John Baker, 66-anyos, maysa asawa at kasalukuyang naninirahan sa bayan ng Adams.
Ayon sa Adams Municipal Police Station, sinabi ng asawa ng biktima na nagtaka siya nung hindi niya makita ang asawa nito kaya hinanap niya at laking gulat nito nung makitang nakahandusay na ito sa loob ng banyo ng tinutuluyan nilang hotel.
Sa imbestigasyon, sinabi ni Police Capt. Aimee Laggui, chief of police sa bayan ng Adams na wala silang nakitang foul play sa pagkamatay ni Baker.
Dagdag pa ni Laggui na nasa apat hanggang limang oras nang patay si Baker bago nakita ng kanyang asawan
Samantala, base ti medical examination sa pamamagitan ni Dr. Bielmaju Walley Bawingan, dating doktor ng Rural Health Unit a bayan ng Adams, napagalaman na ang dahilan ng pagkamatay ng nasabing dayuhan ay dahil sa heart attack.
Napag-alaman na nakatakda na ring pumunta rito sa Pilipinas ang mga kaanak ng dayuhan para makita ito sa huling sandali.
