-- Advertisements --
Kabilang ang British tech tycoon na si Mike Lynch ang kasama sa anim na naiulat na nawawala matapos na lumubog ang luxury yacht sa karagatan ng Sicily.
Ang yate na may habang 56 meters ay may kargang 22 katao na kinabibilangan ng 10 crew at 12 pasahero na ang mga lahi ay pawang mga British, American at Canadian nationals.
Nailigtas ng emergency services ang 15 katao kabilang ang isang taon gulang na babaeng British.
Sumampa ang mga survivors sa emergency boat.
Nakaligtas ang asawa ng 59-anyos na negosyante na si Angela Bacares.
Base sa imbestigasyon na tinamaan ng waterspout na kahalintulad ng ipo-ipo ang nasabing yate kaya ito lumubog.
