Nagdesisyon ngayon ang Monetary Board na babaan pa ang ipinapatupad na patakaran ng Bangko Sentral ng Pilipinas (BSP) pagdating sa tinatawag na interest rates.
Sinasabing sorpresang ibinaba pa ito sa 25 basis points o katumbas ng 2.0 percent.
Paliwanag pa ng Monetary Board, nangangahulugan ito na ang interest rates sa overnight deposits at lending facilities ay ibinaba sa 1.5 percent at 2.5 percent.
Tinukoy din ng Board na kakailanganin ang mga hakbang na ito upang mapalakas ang ekonomiya at merkado sa gitna na rin ng paghina ng mga negosyo dulot ng COVID pandemic.
“With a benign inflation environment and stable inflation expectations, the Monetary Board sees enough policy space for a reduction in the policy rate at this time to uplift market sentiment and nurture the country’s economic recovery amid increased downside risks to growth,” bahagi pa ng statement ng BSP. “Looking ahead, the BSP stands ready to deploy its full arsenal of instruments as needed in fulfillment of its mandate to maintain price and financial stability conducive to sustainable economic growth.”
