BTS member J-Hope nagbigay ng halos P4-M na tulong sa mga biktima ng pagbagsak ng Jeju Air Flight

Nagbigay ng donasyon para sa mga biktima ng pagbagsak ng Jeju Air Flight 2216 si BTS member na si J-Hope.

Ayon sa agency nito na mayroong ibinigay na 100 milyon won o katumbas ng mahigit P3.7-milyon para sa mga pamilya ng biktima.

Ang nasabing donasyon ay idinaan sa Hope Bridge National Disaster Relief Association.

Matapos kasi na mabalitaan nito ang insidente ay labis siyang nalungkot kaya ginawa nito ang lahat ng makakaya para makatulong.

Una na rin itong nagpaabot ng pakikiramay sa mga pamilya ng nasawing biktima.