Hindi umano nagpapakampante ang Milwaukee Bucks kahit ito ngayon ang best team sa NBA, dahil sa patuloy na pamamayagpag na meron ng siyam na panalo at isa pa lamang ang talo.
Ang best start ngayon ng Bucks ay itinuturing din na pinakamagandang record sa kanilang franchise history.
Ngayon pa lamang usap-usapan na ng mga sports analysts na posibleng umabot muli sa NBA finals ang team.
Gayunman ayon sa mga players hindi pa tapos ang kanilang misyon.
Ayon kay Bucks guard Jrue Holiday, lahat silang mga players ay nakapokus at naka-lock in.
Napansin din kasi ang pamamayagpag sa performance ng two-time MVP na si Giannis Antetokounmpo na matuturing best starts ng kanyang career.
Sa ngayon ang Milwaukee din ang top team sa NBA pagdating sa defensive efficiency sa ikatlong pagkakataon sa nakalipas na limang season sa ilalim ni coach Mike Budenholzer.
