Nakaganti na rin ang Milwaukee Bucks laban sa Orlando Magic maitabla na rin ang serye nila sa Eastern Conference first-round series.
Namayani si Giannis Antetokounmpo na nagposte ng 28 points at 20 rebounds upang makabangon sa pagkatalo sa Game 1.
Sa gigil ng Milwaukee sa first half pa lamang ay umabot kaagad sa 23-point lead ang laro.
Aminado si Antetokounmpo na kailangan na nilang kumilos kung gusto pa nilang umusad sa next round.
Tumulong din sa opensa si Brook Lopez na may 20 points at si Pat Connaughton ay nagdagdag ng 15 sa kanyang 5-of-8 sa 3-point shooting.
Hindi rin nagphuli sina Eric Bledsoe ay nagtapos sa 13 points at si Donte DiVincenzo ay nagpakita naman ng 11.
Bagamat hindi gaanong napigilan ng Bucks ang panibagong big game ni Nikola Vucevic na may 32 points, inalat naman ang mga kasama nito na walang nakalampas ng 12 points.
Samantala ang Game 3 sa best-of-7 series ay magaganap sa araw ng Linggo.
