Bugoy Carino, ipinagtanggol ang relasyon nila ni EJ Laure

Pinatulan na ng dating child actor Bugoy Carino ang mga bashers niya dahil sa pakikipagrelasyon kay University of Santo Tomas (UST) volleyball player EJ Laure.

Sa kaniyang Twitter, sinagot ni Carino ang puna sa pakikipagrelasyon sa volleyball player na mas matanda ng limang taon sa kaniya.

Sinabi nito na hindi mahalaga ang edad dahil pinanangutan niya ang nangyari sa kaniya.

Magugunitang ibinunyag ng dalawa na mayroon na silang anak at isinabay ito sa pagdiriwang ni Carino ng kaniyang ika-18 taon.