-- Advertisements --
KORONADAL CITY – Sinira ng malakas na hangin ang ilang kabahayan sa Sitio Lemnongu, Barangay Lamcade, Lake Sebu matapos na manalasa ang buhawi kasabay ng malakas na buhos ng ulan.
Ayon kay Lake Sebu Municipal Mayor Floro S. Gandam, nagpapatuloy pa sa ngayon ang ocular inspection sa lugar upang malaman bilang ng mga bahay na nasira.
Agad din umano na ipinag-utos nito na bigyan ng paunang tulong ang mga apektadong pamilya.
Maliban dito naitala din umano ang landslide kung saan pahirapan ang papasok sa lugar dahil sa nasirang mga daan.
Sa ngayon nagpapatuloy pa ang assessment at validation sa kabuuang pinsala na iniwan ng nasabing kalamidad.
