-- Advertisements --
ILOILO CITY – Isang malakas na buhawi ang tumama sa Bo. Obrero, Lapuz, Iloilo City.
Sa ekslusibong panayam ng Bombo Radyo Iloilo kay Punong Barangay Ricardo Diño Jr, sinabi nito na bumuhos muna ang malakas na ulan bago mag-umpisa ang buhawi.
Bago pa nila tingnan sa labas kung saan galing ang ihip ay hinampas na ng malalakas na hangin ang mga bahay at nilipad ang mga bubungan nito.
Kasalukuyan pang inaalam ng mga awtoridad ang halaga ng pinsalang dulot ng buhawi.
